Mucke up platt.

platt

hoch

Texte + Demos

Hier gif dat wat för de Ohren. De, wecke door nich sau gawwe lustern kann, de kann sück de Texte auk noch maul dörlesen und dann mitgrölen.

Wecke de nich doch

De Lüe kört immer urwer die,

bloß weil du`n beten änners löss

wat du denn ganzen Dach möckst, säet se nie,

nur dat du mit dien Utsäin säi vörn Koppe stöss

 

loat se körn

kannse doch nichts an daun

laot se körn

 

Bis du nich düsse wecke, wecke de nich doch?

Du bis doch düsse wecke, de bis du doch?

Stecks du mol äinmol Hand in`t Werk, dann häss du immer Pech,

du wörs und bis und bliffs`n ollen Stoah-in-wech!

 

Dien Boart un diene Hoare sin tau lang,

diene Musik is vör de Lüe vull tau lut..

inne Sünne kummst du ock nie

DU LÖSS KRANK

Bestimmt wörn säi gern es du.....

SÄI KÖNNT NUR NICH UT ÄRER HUT

 

Bis du nich düsse wecke, wecke de nich doch?

Du bis doch düsse wecke, de bis du doch?

Stecks du mol äinmol Hand in`t Werk, dann häss du immer Pech,

du wörs und bis und bliffs`n ollen Stoah-in-wech!

 

Säi wörn sogern es du, nur hadden säi nie denn Mumm doatau

Blief du bloß es du bis, dat is all olle richtig so

Säi wörn sogern es du, nur hadden säi nie denn Mumm doatau

Blief du bloß es du bis, verkehrt is dat ja sowieso....

 

Düssen Disk

Wo faaken häv ick oll an düssen Disk hier seäten?

und amanges hier biet` Koartenspeeln bescheäten?

Ut Äikenholt,`n Boom bis du mol ween,

und vör hunnertfüftig Joan häp se die daale kreen

 

Nu häss du oll veer Bäine und kanns doch noch nich goan,

in beste Sturbend staas du, un doa bliff´s du ock woll stoan

egal wat kump, du löß mi nich in Stich

denn dine Bäine sind noch kien beten jickelich

 

Wenn ick bedenke, wat up die all oll passerde,

Verträge häv ick unnerschreeben, amanges ock verkehrde

de Lüe könnt dat nich verstoan, du bis ja ock oll old

aber vör mi bis du mehr, äs nur´n stücke Holt

 

Konnst du doch bloß äinmol mit mi körn -  dat wünschkt ick mi

Egal, wat du ock sähst , ick wörd tauhörn -  un verstünde di

ick säh`t ock kienen wieder, dat was klor - verloat die tau

Viellicht was wat du sähst ja ock nich woar – ick wüsset nich genau

 

Dorför – Dorachter – Dorkirgen

wat`n Wunder

Und wenn wie mol besopen wörn,dann leigen wie ock mol unner....

 

Dör die Dör

Dien Handy inne Tasken is son Därt,

et lüchtet und fibberiert ieliger äs`n Lämmersteert

jeden Dach, und urverall mott et mit henn

kien trett kanns du mehr ohne daun, bis immer an empfang`n und send`n

 

du wäist nich, wie`d funktoniert.... is ock egol

wenn du`t wüssest, haddest du`s nich kapiert

 

Dör – et giv su voll Dinge, de goaht nich ümtau,

de goaht dör die dör..von vörne,von achtern, von urverall her

Dör – wenn du menns, et gaht wohl vörbie,

is`t all lange wer dör die dör, vön urverall her

 

Üm de ganze wölt goaht diene Wellen

alle twäi Joahr kanns du die wer n`niet bestellen

und wenn du die doah mol mit utenännersetzt

sicher häss du dann wer kien Netz

 

du wäist nich, wie`d funktoniert.... is ock egol

wenn du`t wüssest, haddest du`s nich kapiert

 

Dör – et giv su voll Dinge, de goaht nich ümtau,

de goaht dör die dör..von vörne,von achtern, von urverall her

Dör – wenn du menns, et gaht wohl vörbie,

is`t all lange wer dör die dör, vön urverall her

 

du wäist nich, wie`d funktioniert.... is ock egol

wat de Strahlen alle demoliert.........is ock egol

du wäist nich, wie`d funktioniert.... is ock egol

wenn du`t wüssest, haddest du`s nich kapiert

Aff inne Sünne

Watt is dat bloß förn Weer

denn ganzen Dach sit wie hier nur so rüm

 

De Tiet vergeit kien Stück

un allet an wat wie denkt, is dat wie Maundach wer arbeiten möt

 

Dach för Dach, dat sülwige Beld

Schlaupen, arbeiten, uppen Äs sitten und dat schalt all wären?

Wie alle möt maul rut ut usn Trott

Nu pack diene Sacken tohaupe un kumm wie wollt löss

 

Kumm, aff inne Sünne und mag dienen Kopp endlich frie

un vergehrt maul Tohuus

To kott is de Tiet, de wie häb, dorüm möt wie mol weg,

einfach einmaul hier rut

 

Up use Welt is Platz satt

Nauch Platz, um denn Müll utn Kopp lös to wehren wo du wuss

Sät die dale und sup äs n Beer

Dor wo wie nu hinföhrt gift mehr un full betteret Weer

 

Kumm, aff inne Sünne und mag dienen Kopp endlich frie

un vergehrt maul Tohuus

To kott is de Tiet, de wie häb, dorüm möt wie maul weg

einfach einmaul hier rut

 

Kumm, aff inne Sünne und mag dienen Kopp endlich frie

un vergehrt maul Tohuus

To kott is de Tiet, de wie häb, dorüm möt wie maul weg

einfach einmaul hier rut

Use Tiet

Diene Stemme hörde ick dat erstemol, noch bevör ick die sööch,

und wie wörn up`n Wech noah Roskilde henn

 

Die Noahbar telefonierde mit die und ick säh to ümm:

“Dau mi hier äsmol denn Hörer henn!“

 

Äs ick die hörde, doah wörd mie kloar –

am läiversten woll ick düssen Stemme wohl noch öfter hörn

 

Wöch äine Stunde, de wie körden, ock nur´n halbed Pund –

 ick konn`t alläine nich mehr uppe Wächte börn

 

„De Tiet lopp immer wieder“, an denn Spruch is wohl watt dran

wie lauped mol vörwech, mol achteran

de Tiet lopp immer wieder, weil de Tiet nich änners kann

doch mit die, doah giv`t Momente....

doah holt se äinfach an

 

Et durde noch veer Weeken, äs wie us dröpen –

aber dorför wörn wie ganz alläin

 

et was to schön, um woahr to weern – ick dachte:

“Junge, nu schloah mie doch ne Kau an`t Bäin“

 

Veele Joahre sind siet denn vergoahn.

Wemme nu tohaupe mol noah vörne kick

 

Dat beste, watt us bäide wohl passerden konnte, dat bis Du und Ick

Kötter äs me mennt

Wenn de Sünne hoch schinnt, und du lächs die mol in`t greune Gräß

nu häss du mol Tiet, watt du änners nich so faken häss

 

Dann urverlegge die mol, watt me alle änners maken kann

doah givét so vull, nu säi tau und fang mol räie an

 

Schmorns upstoahn, to Arbäit föhrn,

mit de Noahbars urwer ännere Lüe körn – dat is nich vull

 

dat Leben is kötter äs me mennt

 

Ock de längste Wech, ock de fäng mit denn ersten Trett an

wemme sück doahnoah häff, düe´t nich lang und man kummp an sien Ziel an

 

Schmorns upstoahn, to Arbäit föhrn, mit de Noahbars urwer ännere Lüe körn

doah is vull mehr, watt`me erleben kann, man häv`ìt süwes inne Hand

Häng`et up

Häng et up an mine Döörn

 

Häng et up an mine Fenster

 

Lech et hier up düssen Disk henn

 

lech die`n Kopp up mine Schullern

 

Un nu stoast du doar rümm

Un kiekst mi tau

Wat schall dat wärn?

Dine Lögen, de haalt di woll wär in...

 

Häng et up an mine Seelen

 

Häng et up an minen Kopp

 

Lech et hier up düssen Disk henn

 

Lech din Kopp up mine Schullern

 

Un nu stoast du doar rümm

Un kiekst mi tau

Wat schall dat wärn?

Dine Lögen, de haalt di woll wär in

Mäitiet

Wenn de Sünne däip staht

inne Mäitiet de Dach tau Ende gaht

alles greunt in grauten und ganzen

in`t letzte Lecht de Müggen danzen

 

de dage werd wer länger

in Goarden wett`et bunt und enger

alles blaht in Hülle und Fülle

und amanges ruck et wer noah Gülle

 

Mäitiet, Mäitiet.....is nu wer üm us tau

Mäitiet, Mäitiet.....vörbie is nu dat Wintergrau

de Vögel komme lang nicht mehr singen hörn

nu staht de Mäitiet wer vör de Dörn

 

watt wie feult`und denket,

et daht so gaut, watt de Sünne us schenket

nich mehr lang, dann is de sommer doah

ick fröwe mi nu all up nächstes Joahr

 

Mäitiet, Mäitiet.....is nu wer üm us tau

Mäitiet, Mäitiet.....vörbie is nu dat Wintergrau

de Vögel komme lang nicht mehr singen hörn

nu staht de Mäitiet wer vör de Dörn

Watt dann kummp

Verglich me us mol äinmol mit ännere

doah fällt äin ersmol garnix up

ers wemme sück us ganz genau anhört

dann kummp me noah ne kotte Tiet drupp

 

Gitarren, Banjo, Mandoline,

use Leeder de sind up Platt

und de Bass un de Trummel, de treät di

mit onnicken Bums in`t Katt

 

Wi sind nich de besten

und ock nich de schönsten

bestimmt nich de kläugsten

Aber watt dann kummp

 

Amanges speelt wi ock liese Töne

mott nich immer nur derbe taugoahn

Dann sit´wi tohaupe, probeert wat,

und wer is´n fein´t Leed drut woarn

 

Koomt mol dichter vör use Bühne

Wo lött dat, wenn hier kiener staht?

Wi wünsket ju ne masse Spoaß mit us,

und dat de Sünne ju in`t Hette upgaht

Knäidäipte

De Kapelle, de speelde und wie fierden de ganze Nacht

up äimmoal woss du noah Hus henn

und wörs' oll ganz upgebracht.

Doa kräig ik noch Schenne,

dat kannd' ik goar nich vön di.

Wie könnt noch nich goahn,

dat mosst du verstoahn,

de Buddel kummp hier noch vorbie.

 

Dau'de noch ne Knäidäipte in,

ik wäit nich, wann ik hier wer bin,

ik häff mi jüst urverrede,

dau'de noch ne Knäidäipte in.

 

Dat Taxi, dat höhlt dann pick vör use Dörn

Wie hann us bekregen,

amanges mott me halt körn.

Du güngs oll noahn Bedde,

doah sög ik up'n Kökendisk,

n halfed Glas Beer,

viellicht was't ock mehr,

Up jeden Fall was et noch frisk.

 

Nu wörd ik ock meue

und güng tau di inne Koam,

nu endlich schloapen,

dat Bedde was ja oll woarm.

Dann kömst du dichter,

dat was doch nu woll nich woahr,

du woll's noch so gern,

ik schall't doch probeern,

doar flüsterst du mie in't Ohr ...

Impressum

© Wippsteert 2017